Rrobat duan shumë kohë të thahen.
Ngarkesa nuk është ndarë mirë.
Ndajini gjërat e rënda nga gjërat e lehta. Gjërat më të mëdha dhe më të rënda duan më shumë kohë të thahen. Gjërat e lehta në një ngarkesë me gjërat e rënda mund ta manipulojnë sensorin për shkak se gjërat e lehta thahen më shpejt.
Ngarkesë e madhe me copa të rënda.
Copat e rënda duan më shumë kohë të thahen sepse kanë prirjen të ruajnë më shumë lagështi. Për të ndihmuar në pakësimin dhe ruajtjen e kohëve të tharjes për copat e mëdha dhe të rënda, ndajini këto gjëra në ngarkesa më të vogla me madhësi të njëjta.
Kontrollet e pajisjes nuk janë përcaktuar mirë.
Përdorni konfigurimet e duhura të kontrollit për llojin e ngarkesës që po thani. Disa ngarkesa mund të kërkojnë një rregullim të nivelit të tharjes për tharje të mirë.
Filtri i pushit duhet pastruar.
Pastroheni pushin nga filtri i pushit para çdo cikli. Pasi të keni pastruar pushin, mbajeni filtrin në dritë për të parë nëse është pis apo i bllokuar. Me disa ngarkesa që prodhojnë sasi të madhe pushi, si për shembull peshqirët e rinj të dushit, mund të jetë e nevojshme ta ndaloni ciklin dhe ta pastroni filtrin gjatë ciklit.
Është djegur siguresa në shtëpi, ka rënë automati ose ka ndodhur ndërprerje energjie.
Ngrini automatin ose ndërroni siguresën. Mos e rritni kapacitetin e siguresës. Nëse problemi ka të bëjë me mbingarkesë të qarkut, rregullojeni me një elektricist të kualifikuar.
Pajisja është ngarkuar më tepër seç duhet.
Ndajini gjërat shumë të mëdha në ngarkesa më të vogla për performancë dhe efikasitet më të mirë tharjeje.
Pajisja është e mbingarkuar.
Nëse po thani një ngarkesë shumë të vogël, shtoni disa gjëra ekstra për të siguruar rrotullim të përshtatshëm. Nëse ngarkesa është shumë e vogël dhe po përdorni programet Tharje me Sensor, kontrolli elektronik nuk mund të dallojë mirë nivelin e tharjes të ngarkesës dhe mund të mbyllet shumë shpejt. Përdorni programet Tharje me Kohë ose shtoni disa rroba të njoma të tjera në ngarkesë.
Koha e tharjes nuk është gjithmonë e njëjtë.
Konfigurimet e nxehtësisë, madhësia e ngarkesës ose niveli i lagështisë të rrobave nuk është i njëjtë.
Koha e tharjes për një ngarkesë do të ndryshojë sipas llojit të nxehtësisë të përdorur (elektrik), madhësisë të ngarkesës, llojit të copave, nivelit të lagështisë të rrobave dhe filtrit të pushit. Edhe një ngarkesë e pabalancuar në pajisje mund të shkaktojë rrotullim të dobët, duke rezultuar në rroba më të njoma të cilat duan më shumë kohë të thahen.
Mbeten njolla yndyre ose të pista në rroba.
Nuk është përdorur mirë zbutësi i rrobave.
Kur lani rroba që duhet të thahen në pajisje, përdorni sasinë e duhur të zbutësit të rrobave siç rekomandohet nga prodhuesi i zbutësit të rrobave.
Rrobat e pastra dhe të ndotura po thahen bashkë.
Përdoreni pajisjen për të tharë vetëm gjëra të pastra. Njollat nga rrobat e ndotura mund të transferohen në rrobat e pastra në të njëjtën ngarkesë ose në ngarkesat e ardhshme.
Rrobat nuk janë larë ose shpëlarë mirë para se të futen në pajisje.
Njollat në rrobat e thara mund të jenë njolla që nuk janë hequr gjatë procesit të larjes. Sigurohuni që rrobat të jenë larë ose shpëlarë plotësisht sipas udhëzimeve për lavatriçen dhe detergjentin tuaj. Disa njolla të vështira mund të kenë nevojë për trajtim përpara se të lahen.
Rrobat janë të rrudhosura.
Rrobat janë tharë për kohë shumë të gjatë (tharë më tepër seç duhet).
Tharja e tepërt e rrobave mund të shkaktojë rrudhosje të tyre. Provoni një kohë tharjeje më të shkurtër.
Rrobat janë lënë në pajisje për kohë shumë të gjatë pasi ka mbaruar cikli.
Përdorni opsionin Anti Crease (Anti rrudha).
Rrobat janë tkurrur.
Nuk janë ndjekur udhëzimet për kujdesin e copave.
Për të shmangur tkurrjen e rrobave, gjithmonë konsultohuni dhe ndiqni udhëzimet në etiketën e kujdesit të copave. Disa copa tkurren natyrshëm kur lahen. Copa të tjera mund të lahen por tkurren kur thahen në pajisje. Përdorni një konfigurim nxehtësie të ulët ose pa nxehtësi.
Pushi ka mbetur në rroba.
Filtri i pushit nuk është pastruar mirë.
Pastroheni pushin nga filtri i pushit pas çdo cikli. Me pushin të pastruar, mbajeni filtrin në dritë për të parë nëse është pis apo i bllokuar. Nëse duket pis, ndiqni udhëzimet e pastrimit. Me disa ngarkesa që prodhojnë sasi të madhe pushi, mund të jetë e nevojshme të pastrohet filtri i pushit gjatë ciklit.
Rrobat nuk janë ndarë siç duhet.
Disa copa prodhojnë shumë push (p.sh., një peshqir pambuku i bardhë me push) dhe duhet të thahen veç nga rrobat që thithin pushin (p.sh., një palë pantallona linoje të zeza).
Pajisja është ngarkuar më tepër seç duhet.
Ndajini gjërat shumë të mëdha në ngarkesa më të vogla për tharje.
Janë lënë peceta, letra, etj. në xhepa.
Kontrolloni mirë xhepat para se t'i thani rrobat.
Elektricitet statik në rroba pas tharjes.
Rrobat janë tharë për kohë të gjatë (tharë më tepër seç duhet).
Tharja e tepërt e rrobave mund të shkaktojë grumbullimin e elektricitetit statik. Rregulloni konfigurimet dhe përdorni një kohë tharjeje më të shkurtër, ose përdorni programet Tharje me Sensor.
Tharje e sintetikeve, presë permanente ose përzierje sintetike.
Këto copa kanë natyralisht më shumë mundësi të grumbullojnë elektricitet statik. Provoni të përdorni zbutës rrobash, ose përdorni konfigurime kohe më të shkurtër të Tharje me kohë.
Rrobat kanë njolla të njoma pas një programi Tharje me Sensor.
Ngarkesë shumë e madhe ose ngarkesë shumë e vogël. Gjërat teke shumë të mëdha si batanije ose jorgan.
Nëse pajisja është e mbushur shumë ose shumë pak, sensori mund të ketë probleme në leximin e nivelit të thatësisë së ngarkesës. Përdorni një program Tharje me Kohë për ngarkesa shumë të vogla.
Gjërat e mëdha siç janë batanijet ose jorganët ndonjëherë mund të mbështillen dhe të bëhen një top i fortë pëlhure. Shtresat e jashtme do të thahen dhe regjistrohen në sensorë, ndërsa pjesa e brendshme mbetet e lagur. Kur thani ndonjë gjë të vetme të madhe, mund të ndihmojë të ndaloni ciklin një herë ose dy herë dhe ta rrotulloni artikullin duke e çmbështjellë dhe duke ekspozuar ndonjë zonë të lagur.
Për të tharë disa gjëra të mbetura të lagura nga një ngarkesë shumë e madhe ose disa pika të lagura në një rrobë të madhe pasi të keni përfunduar një program Tharje me Sensor, zbrazni filtrin e pushit dhe pastaj vendosni një program Tharje me Kohë për të përfunduar tharjen e rrobave.