Диспензерот има пет нивоа на прилагодување. Стандардната програма е за средство за плакнење од ниво 2. Ова може да се провери и да се измени со помош на копчињата на контролната табла.
Осигурете се дека уредот е исклучен.
Истовремено притиснете на копчињата Напојување и Dual Zone (Двојна зона) за да го проверите моменталното поставување.
За да го смените поставувањето притиснете Delay Start (Одложен старт). Секое притискање на копчето го менува поставувањето од L0 (исклучено) до L4.
Откако ќе го изберете посакуваното ниво, притиснете START (Старт) за да зачувате.
Напојувањето се исклучува по зачувувањето.
Доколку капакот не е добро затворен, голема количина на средство ќе се ослободи и ќе предизвика проблеми во миењето.
Иконата за Дополнување средство за плакнење ќе засвети кога е потребно повеќе средство за плакнење.
Ако забележите замаглени делови или дамки од вода на стаклените садови по миењето, зголемете го нивото на средството.
Доколку нивото е превисоко, ќе се создаде пена поради што резултатите од миењето ќе бидат несоодветни.
Ако стаклото е размачкано или има пена на дното од машината, намалете го нивото на средството.
Доколку нивото за средството за плакнење е прениско, ќе се појават точки и линии на садовите и резултатите од сушењето ќе бидат лоши.