Changyutkichdan faqat ushbu qo‘llanmada tavsiflanganidek foydalaning. Faqat ishlab chiqaruvchi tavsiya qilgan birikmalardan foydalaning.
Bu changyutkich faqat uy sharoitida foydalanishga mo‘ljallangan boʻlib, undan quyidagi joylarda foydalanish mumkin emas:
Noturar, tijoriy yoki sanoat hududlarida foydalanish;
Ochiq havoda, garaj yoki nam yuzalarda foydalanish.
Elektr kabeli, sanchqisi yoki changyutkich tugmalariga ho‘l qo‘l bilan teginmang.
Jihozni hech qachon kabelni tortgan holda oʻchirmang. Doim sanchqini mahkam ushlab, uni rozetkadan chiqarib oling. Barmoqlaringiz elektr kabeli sanchqisi kontaktlariga tegmasin.
Elektr kabelini haddan ortiq bukmang yoki ustiga og‘ir buyum qo‘ymang.
Elektr shnurini shikastlamang, o‘zgartirmang, ortiqcha bukmang, o‘ramang, tortmang, siqmang yoki issiqlik ta’siriga qo‘ymang.
Jihoz nozik buyumlar bilan toʻqnashib ketmasligi uchun yon-atrofingizga ogoh boʻling. Tozalash vaqtida tozalanadigan joydagi boshqa jihozlarning elektr kabellarini chiqarib turing.
Suv toshib ketsa, tokdan sug‘uring va LG Electronics mijozlarni qo‘llab-quvvatlash markaziga murojaat qiling.
Changyutkichni stol yoki zinapoya kabi changyutkich qulab ketishi mumkin boʻlgan yuzalarda ishlatmang.
Faqat malakali texniklar yoki LG Electronics servis markazining malakali mutaxassisigina jihozni qismlarga ajratishi, ta’mirlashi yoki o‘zgartirishi mumkin.
Changyutkichdan suyuqliklarni (suv, ichimlik va shu kabilar), hidli moddalarni (zarqand, shokolad, jonivorlar axlati va h.k.), metall buyumlarni (tigʻlar, toʻgʻnogʻichlar va h.k.) yonuvchan, sirt faol moddalarni yoki shisha boʻlaklarini tortishda foydalanmang.
Tig‘lar, qadagichlar, qirindilar, o‘tkir buyumlar yoki issiq-sovuq kullarni tortishda foydalanmang.
Kiyimlar, soch, barmoqlar yoki tananing boshqa qismlarini changyutkichning ochiq joylari va harakatlanuvchi qismlaridan nari tuting.
Changyutkichdan uning kirish yoki chiqish portlari toʻsilgan holatda foydalanmang.
Changyutkichni bo‘yoq suyultirgich, kuyadan himoyalash vositalari, yonuvchan chang yoki boshqa portlovchi yoki zaharli moddalardan ajraluvchi bug‘ mavjud yopiq xonalarda ishlatmang.
Changyutkichni devor, kursi yoki stolga suyantirmang.
Agar uyda gaz sizishi (izobutan, propan, tabiiy gaz va h.k.) aniqlansa, changyutkich yoki elektr kabeli sanchqisiga teginmang va darhol xonani shamollating.
Agar jihozdan begona ovoz, hid yoki tutun chiqayotganini aniqlasangiz, elektr kabeli sanchqisini darhol tarmoqdan uzib, LG Electronics mijozlar uchun axborot markazi bilan bogʻlaning.
Changyutkichdan uning chang konteyneri va filtrlari oʻz joyiga o'rnatilmagan holatda foydalanmang.
Tarmoqdan uzishdan avval barcha boshqaruv elementlarini oʻchirilgan holatga keltiring.
Changyutkichni tashiganda chang konteyneri tutqichidan koʻtarmang. Tashish tutqichidan koʻtaring.