Çfarë është njohja e lëvizjeve?
Mund ta kontrolloni televizorin thjesht duke bërë gjeste për kamerën.
Mund ta përdorni funksionin e njohjes së lëvizjes për të fikur televizorin, ndryshuar kanalin dhe kontrolluar volumin.
Njohja e lëvizjeve është funksion vetëm për shikimin e televizorit dhe nuk mbështetet gjatë përdorimit të menysë smart, si p.sh. kur lidhen pajisje me valë, duke përfshirë aplikacionet e televizorit ose foletë USB .
Figura e shfaqur mund të ndryshojë nga televizori juaj.
Për të përdorur funksionin Njohja e lëvizjeve
- Përgatisni kamerën e Smart TV për përdorim. (shitet veçmas) (Për më shumë informacion, drejtojuni manualit të instalimit ose manualit të përdorimit të kamerës.)
- Kamera aktivizohet 20 deri në 30 sekonda pas ndezjes së televizorit.
- Shkoni te
Parametrat OPSION dhe kontrolloni nëse Njohja e lëvizjeve është caktuar në Aktive. - Vështroni kamerën ndërkohë që televizori është ndezur dhe mbani dorën ngritur pranë fytyrës. Telekomanda për njohjen e lëvizjeve shfaqet në ekranin e televizorit. (Mund ta kontrolloni diapazonin e njohjes së lëvizjeve të kamerës te Parametrat OPSION Ndihma e konfigurimit të kamerës.)
- Lëvizeni dorën majtas, djathtas, lart ose poshtë për të zgjedhur një funksion. Mbyllni dhe hapni grushtin për ta nisur funksionin.
- Nëse e ulni dorën jashtë rrezes së njohjes së lëvizjeve, telekomanda zhduket nga ekrani.
Nëse e mblidhni grushtin për më shumë se një sekondë, funksioni i zgjedhur kryhet vazhdimisht derisa të hapni dorën.
Njohja e lëvizjeve mund të mos funksionojë siç duhet nëse:
- Qëndroni në vend shumë të ndritshëm ose shumë të errët. (Ndriçimi optimal i ambientit: 50 lux-600 lux)
- Fytyra nuk mund të diktohet nga kamera për shkak të dritës prapa jush.
- Fytyra nuk diktohet nga kamera sepse keni vendosur kapele
- Distanca ndërmjet jush dhe kamerës është shumë e vogël ose shumë e madhe (Distanca ideale: 1,5 m-4,5 m)
- Gishtat nuk mund të diktohen nga kamera për shkak se mbani doreza ose keni fashuar dorën.
- Keni lëvizur krahun përpara ose dora nuk është mjaftueshëm pranë fytyrës.
- Ngjyra e lëkurës tuaj është e ngjashme me ngjyrën e sfondit.
- Sfondi është i vijëzuar.
Gjesti mund të mos njihet në rastet që vijojnë.
- Nëse Njohja e lëvizjeve është caktuar në Joaktive te Parametrat OPSION
: Caktojeni në Aktive. - Nëse në ekranin e televizorit shfaqet ndonjë meny tjetër përveç telekomandës për njohjen e lëvizjeve
: Hiqeni. - (Për kamerën e integruar) Nëse kamera nuk është e ngritur
: Sigurohuni që ta ngrini kamerën.
Nuk mund të kalohet te pajisjet e lidhura nëpërmjet folesë USB ose nëpërmjet lidhjes me valë me anë të funksionit Njohja e lëvizjeve.
Nëse kamera dikton më shumë se një dorë, ajo funksionon vetëm me dorën e parë që dikton. Për të përdorur një dorë tjetër për komandimin e telekomandës, uleni dorën për të hequr telekomandën nga ekrani dhe ngrijeni dorën sërish.
Nëse e mbani dorën lart të hapur ose të mbyllur me telekomandën në ekran, kamera mund të mos e diktojë dorën. Sigurohuni që ta ngrini dorën me të pestë gishtat të hapur qartë.
Bëni kujdes të mos e lëvizni dorën shumë shpejt dhe të mos bëni lëvizje shumë të mëdha. Lëvizeni dorën ngadalë pranë fytyrës.
Nëse Njohja e lëvizjeve nuk funksionon siç duhet, uleni dorën dhe pastaj ngrijeni sërish.
Nëse e hapni dorën në kënd, kamera mund ta ngatërrojë atë me grushtin dhe të kryejë funksionin e zgjedhur.