Кептіргішті пайдалану

Бірінші бағдарламаның алдында барабанды қыздыру үшін құрылғыны 5 минутқа кебуге қалдырыңыз. Құрылғы ішіндегі барлық иіс шығуы үшін құрылғыны алғашқы бірнеше рет пайдаланғанда, киімді салу арасында есікті ашыңыз.

Балалар барабанның ішіне кіріп ойнамауы керек.

• Түк сүзгісінің таза екенін тексеріңіз.

  

  • Есікті ашыңыз және түк сүзгісін тазалаңыз. Егер сүзгіге түк толып қалса, кептіру уақыты әдеттегіден ұзақ болады.

• Киімдерді сұрыптап болған соң, оларды барабанға салыңыз және есікті жабыңыз.

  • Киімдерді барабанның түкпіріне итеріңіз, олар есіктің тығыздауышынан алшақ тұруы керек. Киім есік пен тығыздауыш арасында қысылып қалса, кептіру барысында олар зақымдалуы мүмкін.

  • Киімдерді материалына және кебу деңгейіне қарай сұрыптау керек.

  • Жібі және бекітілген белдігі бар киімдерді барабанға салмас бұрын, оларды дұрыстап бекіту керек.

• Құрылғыны іске қосу үшін Қуат түймесін басыңыз.

  • Құрылғының үлгісіне байланысты Қуат түймесі жанып, оның кептіруге дайын екенін білдіреді.

• Қажетті цикл таңдалғанша цикл түймесін қайталап басыңыз.

  • Бағдарламаны таңдаусыз Бастау/Кідірту түймесін бассаңыз, құрылғы Хлопок (Мақта) бағдарламасымен жалғастырады. Егжей-тегжейлі ақпаратты бағдарламалар кестесінде қараңыз.

• Кептіру бағдарламасын бастау үшін Бастау/Кідірту түймесін басып тұрыңыз.

  ЕСКЕРТПЕ

  • Құрылғы жұмыс кезінде киімнен конденсацияланатын су арқылы конденсатордың бетіне жиналатын қылшықтарды автоматты түрде жуады.

  • Конденсаторды тазарту жиілігі киімнің өлшемі мен бастапқы ылғал мөлшеріне байланысты өзгеруі мүмкін.

• Кептіру бағдарламасы аяқталған соң, есікті ашыңыз және киімдерді шығарыңыз.

  ЕСКЕРТУ

  • Сақ болыңыз! Барабанның іші әлі ыстық болуы мүмкін.

• Құрылғыны өшіру үшін Қуат түймесін басыңыз.

• Түк сүзгісін тазалаңыз.

  

• Жағымсыз иістің пайда болмауы үшін құрылғыны пайдаланып болған соң, барабанды желдету үшін кептіргіштің есігін кішкене ашық қалдыруға болады немесе ашыңқырап қоюға болады.

  АБАЙЛАҢЫЗ

  • Қауіпсіздікті қамтамасыз ету үшін құрылғыға балалардың немесе жануарлардың кіруіне жол бермеңіз. Ол құрылғыны зақымдауы немесе жарақаттауы мүмкін.