Не змяняйце і не падаўжайце кабель сілкавання. Драпіны або лушчэнне ізаляцыі на сілавых кабелях могуць прывесці да ўзгарання або электрычнага ўдару. Такія кабелі неабходна замяніць.
Пераканайцеся, што кабель сілкавання не забруджаны, не аслаблены і не пашкоджаны.
Не размяшчайце на кабелях сілкавання якія-небудзь прадметы.
Пераканайцеся, што кабель сілкавання не можа быць выцягнуты або пашкоджаны падчас эксплуатацыі.
Ніколі не кранайце, не эксплуатуйце і не рамантуйце кандыцыянер вільготнымі рукамі.
Не засоўвайце рукі ці іншыя прадметы ў адтуліну для ўваходу ці выхаду паветра падчас працы кандыцыянера.
Сачыце за тым, каб ніхто, асабліва дзеці, не залазілі на вонкавы блок.
Выкарыстоўвайце толькі тыя запчасткі, якія ўказаны ў спісе запасных частак. Ніколі не спрабуйце мадыфікаваць абсталяванне.
Не дакранайцеся да трубкі з холадагентам, трубы для вады і ўнутраных частак падчас працы прыбора ці адразу пасля яе заканчэння.
Не пакідайце гаручыя рэчывы, такія як бензін, бензол ці растваральнік, побач з кандыцыянерам.
Не выкарыстоўвайце кандыцыянер на працягу доўгага перыяду часу ў невялікім памяшканні без належнай вентыляцыі.
Пераканайцеся ў дастатковай вентыляцыі, калі гэты прыбор і ацяпляльны прыбор, напрыклад абагравальнік, выкарыстоўваюцца адначасова.
Існуе верагоднасць дэфіцыту кіслароду.
Не перакрывайце ўваходны і выхадны паток паветра.
Адключыце сілкаванне, калі з кандыцыянера зыходзіць шум, пах ці дым.
Калі здарылася так, што кандыцыянер быў пагружаны ў ваду, звярніцеся ў аўтарызаваны сэрвісны цэнтр.
У выпадку ўцечкі газу (напрыклад, фрэону, прапану ці звадкаванага газу) перад паўторным выкарыстаннем кандыцыянера добра праветрыце памяшканне.
Спыніце эксплуатацыю і зачыніце акно падчас шторму або ўрагану. Калі гэта магчыма, прыбярыце прыбор ад акна, перш чым пачнецца ўраган.