Wi-Fi орнату кезінде сізден LG желісіне қосылу үшін құпиясөзді енгізуді сұрауы мүмкін (үй желісі емес). Құпиясөз — бұл желі атауының екі рет қайталанған соңғы 4 таңбасы, бос орын болмайды. Мысалы, желі атауы LG_XXXX_8b92 ретінде көрсетілсе, онда сіз құпиясөз ретінде 8b928b92 енгізуіңіз керек. Құпиясөз регистрді ескере отырып енгізіледі, ал соңғы 4 таңба сіздің құрылғыңызға ғана тән.

Wi-Fi байланысын тексеру үшін басқару панеліндегі f белгішесі жанып тұрғанын тексеріңіз.

Құрылғы 2,4 ГГц Wi-Fi желілерімен ғана жұмыс істейді. Желінің жиілігін анықтау үшін интернет қызметінің провайдеріне хабарласыңыз немесе сымсыз роутердің нұсқаулығын қараңыз.

LG ThinQ қолданбасы желілік байланысқа немесе желілік байланысқа қатысты қандай да бір ақаулыққа, олқылықтарға немесе қателіктерге жауапты емес.

Егер құрылғыны Wi-Fi желілеріне қосуда қандай да бір қиындықтар туындаса, ол көп жағдайда роутерге байланысты емес. Wi-Fi сигналының қуатын жақсарту үшін, Wi-Fi репитерін (диапазон кеңейткіші) сатып алыңыз.

Үйдегі желі ортасына байланысты Wi-Fi байланысы қосылмауы мүмкін немесе ажырап кетуі мүмкін.

Желілік байланыс интернет қызметінің провайдеріне байланысты да дұрыс жұмыс істемеуі мүмкін.

Айналадағы сымсыз орта сымсыз желі қызметін баяулатуы мүмкін.

Сымсыз сигналды тарату жүйесіндегі ақаулыққа байланысты құрылғыны тіркеу мүмкін болмаса, құрылғыны электр жүйесінен ажыратып, әрекетті қайталамас бұрын бір минуттай күтіңіз.

Сымсыз роутердегі брандмауэр қосулы болса, оны өшіріңіз немесе оны ерекше жағдай ретінде қосыңыз.

Сымсыз желінің атауы (SSID) ағылшын әріптері мен сандардан тұруы қажет. (Ерекше таңбаларды қолданбаңыз)

Смартфонның пайдаланушы интерфейсі (UI) телефонның операциялық жүйесіне (OS) және өндірушіге байланысты әртүрлі болуы мүмкін.

Роутердің қауіпсіздік протоколы WEP күйіне орнатылған болса, желі орнатылмауы мүмкін. Қауіпсіздік протоколын өзгертіңіз (WPA2 ұсынылады) және өнімді қайта қосыңыз.