Suv taqsimlagichining ishlashi uchun suv bosimi 138 kPa dan 827 kPa (1,4-8,4 kgs/sm²) gacha bo‘lgan sovuq suv ta’minoti talab qilinadi. Agar sovutgich suv bosimi past (138 kPa dan past) bo‘lgan hududga o‘rnatilsa, past bosimni kompensatsiyalash uchun kuchaytiruvchi nasosni o‘rnatishingiz mumkin.
Agar sovuq suv ta’minotingizga suvni teskari osmotik filtrlash tizimi ulangan bo‘lsa, suvni teskari osmotik filtrlash tizimiga bo‘lgan suv bosimi kamida 138 kPa dan 827 kPa gacha (1,4-8,4 kgs/sm²) bo‘lishi kerak
Suv liniyasiga ulash bo‘yicha har qanday ishlarni bajarishdan avval jihozni rozetkadan uzib qo‘ying. Bunday qilmaslik elektr toki urishiga olib kelishi mumkin.
Faqat sovuq suv ta’minot liniyasiga ulang. Bunday qilmaslik suv filtrining noto‘g‘ri ishlashiga olib kelishi mumkin. Uy kanalizatsiya tarmog‘idagi suv zarbasi (trubalardagi suvning urishi) jihoz qismlarning shikastlanishiga va oqibatda suvning oqib ketishi yoki toshishiga olib kelishi mumkin.
Faqat ichimlik suv ta’minotiga ulang.
Jihozga suv ulashda yangi shlangdan foydalaning. Eski, eskirgan yoki ishlatilgan shlanglardan foydalanmang.
Suv liniyasiga ulash ishlari faqat malakali santexnik tomonidan va suv sifatini boshqaruvchi mahalliy qonunlar va tartiblarga ko‘ra amalga oshirilishi kerak.
Ushbu suv liniyasini o‘rnatish ishlari jihozga berilgan kafolat bilan qamrab olinmaydi.