Құрылғыны пайдалану
Есікті ашып, Қуат түймесін басыңыз.
Құрылғы қосылады. Индикаторларды тексеріңіз.
Шайғыш пен ыдыс жуғыш машинаға арналған тұздың барын тексеріңіз.
Егер сәйкес белгішелер жанып тұрса, шайғыш пен тұзды толтырыңыз. Қосымша ақпарат алу үшін Толтыру бөлімін қараңыз.
n: тұзды толтыру белгішесі
e: шайғышты толтыру белгішесі
Сүзгілерді тексеріңіз.
Жуу нәтижесі нашарламас үшін, жуғаннан кейін немесе жуар алдында сүзгіні әрдайым тазалап отырыңыз.
Бүріккіш біліктер кедергісіз айналатынына көз жеткізіңіз.
Жоғарғы және төменгі бүріккіш біліктердің еркін айналатынына көз жеткізіңіз. Егер бүріккіш білік айналмаса, оны шешіп алып тазартыңыз.
Ыдыстарды тартпаға салыңыз.
Бүріккіш біліктердің айналуына ешбір ыдыс не бұйым кедергі келтіріп тұрмағанын тексеріңіз.
Бір ыдысты екіншісінің үстіне қоймаңыз.
Диспенсерге жуғыш ұнтақтың қажетті мөлшерін салыңыз.
Таблеткаларды қолданатын болсаңыз, тікелей науаның түбіне немесе ішкі есіктің төменгі бөлігіне қоюға болады.
Бағдарламаны орнату және бастау.
Бағдарлама кез келген параметр таңдалған соң 4 секунд ішінде автоматты түрде басталады.
Төменгі тартпаны сыртқа қарай шығарып, оған ыдыс салған болсаңыз, жоғарғы тартпаға ешбір зат салмаңыз. Әйтпесе құрылғы тепе-теңдігінен айрылып және ауып кетіп, адамдарды жарақаттауы мүмкін.
Жоғарғы тартпаны ішке қарай толығымен итеріңіз.
Алдымен төменгі тартпаны босатыңыз, содан кейін жоғарғы тартпаны босатыңыз. Әйтпесе жоғары тартпадағы ыдыстардан төменгі тартпадағыларға су тамшылайды.
Құрылғы жұмыс істеп тұрғанда немесе жуу циклі жаңа аяқталғанда есігін ашпаңыз, әйтпесе бу шалып, күйіп қалуға болады.
Құрылғыда ешқашан сұйық жуғыш зат қолданбаңыз.
Ыдыс жуғыш машинаны қолданар алдында ыдыс-аяқты қолмен шаймаған дұрыс, себебі бұл — су және энергия тұтынуды арттырады.
Егер тұрмыстық ыдыс жуғыш машинаны өндіруші нұсқауларына сәйкес қолдансаңыз, ыдысты қолмен жууға қарағанда энергия мен су азырақ жұмсалады.
Тұрмыстық ыдыс жуғыш машинаны өндіруші белгілеген мөлшерге дейін ғана жүктесеңіз, бұл — энергия мен суды үнемдеуге көмектеседі.