Noto‘g‘ri haroratda saqlanganda oziq-ovqat mahsulotlari muzlab qolishi yoki aynishi mumkin. Sovutkichni saqlanayotgan oziq-ovqatga mos bo‘lgan haroratga o‘rnating.
Muzlatilgan yoki sovutilgan oziq-ovqat mahsulotlarini zich yopiladigan idishlarda saqlang.
Jihozga oziq-ovqat mahsulotini qo‘yishdan avval uning iste‘mol qilinishi mumkin bo‘lgan muddati va yorlig‘ini (saqlash bo‘yicha ko‘rsatmalar) tekshiring.
Agar oziq-ovqat mahsuloti past haroratda tez aynib qoladigan bo‘lsa, u mahsulotni uzoq muddat saqlamang.
Muzlamagan oziq-ovqat mahsulotini bevosita muzlatilgan mahsulotga tegadigan tarzda joylashtirmang. Ortiqcha miqdordagi yangi oziq-ovqat mahsulotlarini joylashtirmang.
Tezroq muzlatish, osonroq eritish va ishlov berish uchun oziq-ovqat mahsulotlarini porsiya hajmidagi miqdorlarda muzlating.
Sovitilgan yoki muzlatilgan oziq-ovqat mahsulotini darhol mos ravishda sovutgich yoki muzlatgich bo‘lmasiga qo‘ying.
Xom go‘sht va baliqni u boshqa oziq-ovqat mahsulotlariga tegmasligi yoki ustiga tushmasligi uchun sovutkichda mos idishlarda saqlang.
Sovutilgan taomlar va boshqa oziq-ovqat mahsulotlarini sabzavotlar tortma qutisining tepasida saqlash mumkin.
To‘liq muzdan tushirilgan oziq-ovqat mahsulotini qayta muzlatmang. To‘liq muzdan tushirilgan oziq-ovqat mahsulotini qayta muzlatish uning mazasi va ozuqaviylik darajasini pasaytiradi.
Faqat o‘zingizga kerakli miqdordagi oziq-ovqat mahsulotlarini chiqarib oling. Eritilgan oziq-ovqat mahsulotlarini tezda iste’mol qiling. Uni faqat pishirgandan keyingina qayta muzlatish mumkin.
Issiq ovqatni qo‘yishdan avval uni sovuting Agar jihoz ichiga juda ko‘p issiq oziq-ovqat mahsuloti qo‘yiladigan bo‘lsa, uning ichki harorati oshib ketishi va jihoz ichidagi boshqa mahsulotlarga salbiy ta’sir ko‘rsatishi mumkin.
Jihozni xaddan tashqari ortiqcha to‘ldirib yubormang. Agar jihoz ortiqcha to‘ldirib yuborilsa, sovuq havo mos darajada aylanmasligi mumkin.
Agar oziq-ovqat mahsuloti uchun juda past harorat o‘rnatgan bo‘lsangiz, u muzlab qolishi mumkin. Jihozda oziq-ovqat mahsuloti to‘g‘ri saqlanishi uchun talab qilingan haroratdan past haroratni o‘rnatmang.
Agar jihozda salqinlatish bo‘lmasi mavjud bo‘lsa, tarkibida suv miqdori ko‘p bo‘lgan meva-sabzavotlarni bunday bo‘lmalarda saqlamang, chunki past harorat tufayli ular muzlashi mumkin.
Doimo ishlab chiqaruvchining muzlatilgan oziq-ovqat mahsulotlarini saqlab turish davomiyligi bo‘yicha ko‘rsatmalariga amal qiling. Oziq-ovqat mahsulotlarining tavsiya qilingan saqlab turish vaqtidan oshirib yubormang.
Saqlab turish vaqti limitidan oshirib yuborishning oldini olish uchun saqlashga qo‘yish sanasi, ruxsat berilgan saqlab turish davomiyligi va oziq-ovqat nomini qadoqqa yozib qo‘ying.
Elektr tarmog‘ida uzilish bo‘lsa, idoraga sim qoqing va uzilish qanchaga cho‘zilishini so‘rang.
O‘chiq paytida eshigini ochmaslikka harakat qiling.
Elektr ta’minoti tiklangach, oziq-ovqat mahsulotlarining holatini tekshirib ko‘ring.
Agar elektr tarmog‘idagi uzilish, ayniqsa yoz oylarida, uzoqroq davom etsa, ushbu yo‘riqnomalarga amal qiling:
- Elektr ta’minotida uzilish bo‘lgan vaqtda jihozga qo‘shimcha oziq-ovqat mahsulotlarini joylashtirmang.
- Agar elektr ta’minotida uzilish bo‘lishi e’lon qilingan va uning 10 soatdan ortiq vaqt davom etgishi kutiladigan bo‘lsa, ma’lum miqdorda muz tayyorlang va uni idishda muzlatgichning yuqori polkasiga joylashtiring.
- Elektr ta’minotidagi uzilish yoki bosha nosozlik vaqtida jihozdagi haroratning oshishi tufayli oziq-ovat mahsulotlarining yaroqlilik muddatlari qisqaradi va ularning sifati pasayadi. Zarur hollarda erigan oziq-oqvat mahsulotlariga ishlov bering va uni pishirilgan holatda qaytadan muzlating.