Çfarë është Time Machine Ready?
[Kjo veçori disponohet vetëm në disa modele ose në disa shtete.]
Time Machine Ready është një funksion që mundëson regjistrimin e programit që po ndjek ose që dëshiron të ndjekësh.
Regjistrim i çastit | Regjistron menjëherë programin që po shikon. |
Regjistrim me orar | Zgjedh programin që dëshiron ose cakton kohën për regjistrim. |
Luaj | Luan regjistrimet. |
[Kjo veçori disponohet vetëm në disa shtete.] Mund të regjistrosh programe dixhitale të transmetuara nëpërmjet kabllos RF.
Funksioni Time Machine Ready mbështetet vetëm nga sinjale DTV.
Kanalet DTV që transmetohen në kodek AVS/AVS+ nuk e mbështesin funksionin Time Machine Ready.
Nuk mbështetet regjistrimi i materialeve që përmbajnë të dhëna të drejte autori.
Videot e regjistruara në televizorë të modeleve të tjera nuk mund të luhen.
Për shkak të DRM-së, teknologjisë së përdorur për mbrojtjen e materialeve, videoja e regjistruar nuk mund të luhet në kompjuterë ose modele të tjera televizori. Gjithashtu, videoja nuk mund të luhet nëse zëvendësohet qarku i videos i televizorit.
Të gjitha transmetimet mbrohen nga e drejta e autorit, kështu që mund të të duhet të marrësh leje nga zotëruesit përkatës të së drejtës së autorit përpara riprodhimit ose luajtjes së këtyre transmetimeve. Nëse përdoruesi regjistron audio ose video me anë të kësaj pajisjeje, regjistrimet duhet të kryhen vetëm për përdorim personal. Ndalohet shitja, transferimi ose dhënia me qira e regjistrimeve që mbrohen nga e drejta e autorit.
Lidhja e pajisjes USB HDD për Time Machine Ready
[Kjo veçori disponohet vetëm në disa modele ose në disa shtete.]
Duhet të lidhësh pajisje ruajtëse USB HDD për të përdorur funksionin Time Machine Ready.
- Përgatit pajisjen ruajtëse USB HDD.
- Lidh pajisjen USB HDD me folenë USB anash ose pas televizorit.
Për funksionin Time Machine Ready nevojitet pajisje ruajtëse USB që përmban njësi disku (HDD).
Rekomandohet të përdoret pajisje USB HDD me kapacitet ndërmjet 40 GB dhe 2 TB.
Zgjidh USB HDD-në e lidhur nga Hyrjet dhe zgjidh butonin Nxirr për të shkëputur pajisjen ruajtëse USB HDD.
Nëse pajisja USB HDD është me defekt, funksioni Time Machine Ready mund të mos punojë normalisht.
Nëse përdor kabllo zgjatuese USB, pajisja USB mund të mos njihet ose mund të mos funksionojë siç duhet.
Regjistrimet e ruajtura në pajisjen USB HDD mund të dëmtohen. Prodhuesi nuk mban përgjegjësi për regjistrime të dëmtuara, pasi menaxhimi i materialeve është përgjegjësi e përdoruesit.