Потрошувачка на енергија и вода

Влијание врз потрошувачката на енергија и вода има тежината на облеката за перење. За најдобро да го искористите вашиот апарат, наполнете го со максималната количина на сува облека според одредената програма.Еднаквото полнење со алишта до капацитетот посочен од производителот за секоја од програмите придонесува кон заштеда на енергија и вода.Најефикасни програми во поглед на потрошувачката на енергија генерално се тие што работат со пониски температури и имаат подолго време на работење.Бучавата и количината на преостаната влажност зависат од брзината на центрифугата: што поголема брзина на центрифуга во фазата на центрифугирање, тоа поголема бучава и помала количина на преостаната влажност.Системот на автоматско препознавање на полнењето ќе ви помогне да ја намалите количината на употребена вода и енергија во случаите кога ставате мала количина на облека за перење.Употребете ја програмата за брзина за малку и слабо извалкана облека за да заштедите енергија и вода.Детергентите за перење облека со ладна вода се ефективни и при пониски температури (околу 20 ℃). Ако ја поставите температурата на 20 ℃, тоа ќе ви помогне да потрошите помала енергија во споредба со тоа ако ја поставите на 30 ℃ или повеќе.

Детергент

Детергентите треба да ги бирате според видот, бојата, извалканоста на ткаенината и температурата за перење. Детергентот треба да се користи според упатствата дадени од производителот. Употребувајте само детергенти коишто одговараат за видови на машини за перење со барабан (предно полнење).Употребувајте помала количина на детергент при помало полнење со облека.

Бирање дополнителни опции и функции

Изберете температура на водата погодна за видот алишта што ги перете. Следете ги упатствата на етикетата за грижа за облеката, за да добиете најдобри резултати.Опцијата за претперење се препорачува при перење на многу извалкана облека.

Исфрлање на материјалот од амбалажа

Материјалите од амбалажа се направени да го заштитат апаратот од неочекувани штети за време на транспортот.По инсталирање на апаратот, исфрлете го отпадот од амбалажата во согласност со симболите за рециклирање на типовите материјали. Фрлете го отпадот од амбалажа во соодветните корпи за рециклирање отпад.

Одлагање на вашиот стар апарат

Сите електрични и електронски производи треба да се фрлат засебно од комуналниот отпад, односно во собирни капацитети назначени од страна на владата или локалните власти.Правилното фрлање на вашиот стар апарат ќе помогне да се спречат потенцијални негативни последици за околината и човековото здравје.За подетални информации за фрлањето на вашиот стар апарат, стапете во контакт со општинската служба за отстранување отпад или со најблиската служба за собирање електронски отпад. За најнови информации за вашата земја, одете на www.lg.com/global/recycling.