Sound Bar Quick Guide

Өнімді қабырғаға бекіту

1. a Өнім қаптамасынан қабырға кронштейнін орнату бойынша нұсқаулықты қараңыз. Екі қабырғалық кронштейннің орнату бағыттауышын бір-біріне жалғау үшін бекітіңіз.
2. b Қабырға кронштейнін орнату бойынша нұсқаулықтағы “TV Bottom Line” сызығын теледидардың төменгі жағымен туралап, қабырғаға бекітіңіз. Қабырғаға бекітілген теледидардың ортасын орнату нұсқаулығындағы “TV Center” ретінде белгіленген бөлшекпен туралаңыз.

1. c Қаламмен орнату нұсқаулығында қабырға кронштейндері бекітілетін бұранда саңылауларын белгілеңіз.

1. d Орнату нұсқаулығындағы белгіленген орындардағы бұранда саңылауларын бұрғылаңыз.
2. e Қабырғадан қабырға кронштейнін орнату бойынша нұсқаулықты алып тастаңыз.
3. f Қабырға тығындары мен бұрандаларды пайдалана отырып, кронштейндерді қабырғаға мықтап бекітіңіз.

1. g Бекіткіш ілгекті мықтап бекітілетіндей өнімнің артқы жағына және қабырғаға бекіткішінің саңылауына кіргізіңіз.

1. h Құрылғының ілгектерін төменде көрсетілген суреттегідей бекітіңіз.

Дюбельдер мен бұрандаларды бекіту әдісі

(Бетон қабырғаға орнату үшін)

1. a Дюбель орындарында Ø 6 бұрғы ұштығымен 40-45 мм болатын саңылауларды бұрғылаңыз.

1. b Бұрғыланған саңылауларды тазалаңыз.

1. c Қабырға бекіткішін саңылауларға бекіту үшін берілген дюбельдерді енгізіңіз. (Дюбельдерді қағу кезінде балғаны пайдаланыңыз)

1. d Қабырға бекіткішінің тірегін саңылау орындарына сәйкес болатындай етіп қабырғаға қарай итеріңіз.

1. e Қабырға бекіткішін саңылауларға бекіту үшін бұрандаларды қатайтыңыз. Бұл жерде бұрандаларды 12 кгк/см 1 айналу моментімен қатайтыңыз.

Ескертпе

Құрылғыны қабырғаға орнатқан кезде, ол құлап кетпеуі үшін абайлап орнатыңыз. Бұл өнім май немесе май тұманы әсеріне ұшырауы мүмкін болса, оны қабырғаға орнатпаңыз. Әйтпесе өнім зақымдалуы және құлауы мүмкін. Кәсіби орнатушы маман құрылғыны дұрыс орнатуы үшін бұл нұсқаулықты мұқият оқуы тиіс. Кәсіби орнатушы маман құрылғыны орнатқан соң, бұл нұсқаулықты сатып алушыға беріп, оны болашақта қарау үшін ыңғайлы жерде сақтап қоюы керек екенін айтуы тиіс. Орнату нұсқаулығын оқығаннан кейін оны болашақта қарау үшін ыңғайлы жерде сақтаңыз. Өнімді орнату үшін дүкен тағайындаған кәсіби орнатушы маманнан көмек алыңыз. Кәсіби маман емес адамның орнатуы өте қауіпті және жарақатқа әкелуі мүмкін. Өнімді оның салмағын көтере алмайтын орнықсыз жерге орнатпаңыз. Құрылғы орнатылатын жер жеткілікті түрде қатты болмаса, өнім құлап, жарақаттауы мүмкін. Орнатылған өнімді жылжыту немесе басқа жерге орнату үшін дүкен тағайындаған кәсіби орнатушы маманға хабарласыңыз. Құрылғыны орнату — техникалық жұмыс, сол себепті адам өнімді өзі орнатуға немесе жылжытуға әрекеттенсе, қауіп төнуі мүмкін. Өнімді орнатқаннан кейін оған ештеңе ілмеңіз немесе қатты соққы тигізбеңіз. Әйтпесе өнім құлауы және адамдарды жарақаттауы мүмкін.

Ескертпе

Құрылғыны қабырғаға орнатқан кезде қуат беру желісін немесе сигнал кабельдерін құрылғының артқы жағына ілмеңіз. Әйтпесе сымдар зақымдалуы, өрт шығуы, ток соғуы немесе өнімнің ақаулығы пайда болуы мүмкін. Құрылғыны орнату нұсқаулығындағы нұсқауларға сәйкес орнатыңыз. Өнімді орнату нұсқаулығындағы нұсқауларға сәйкес орнатпау адамдардың ауыр жарақат алуына немесе өнімнің зақымдалуына әкелуі мүмкін. Өнімді орнату немесе оның биіктігін реттеу кезінде міндетті түрде кем дегенде екі адам болуы керек. Орнату немесе реттеу кезінде бір адам жұмыс істесе, жарақат алуы немесе өнімнің зақымдалуы ықтимал. Орнатпай тұрып, қабырғаның дайын екеніне көз жеткізіңіз. Өніммен бірге берілген дюбельдер мен бұрандаларды пайдаланыңыз. Рұқсат етілмеген дюбельдер немесе бұрандалар пайдаланылса, олар өнімнің салмағын көтере алмай, нәтижесінде адамдарға қауіп төнуі мүмкін. Қабырғаны бұрғылау кезінде диаметрі сәйкес келетін бұрғы ұштықтары мен бұрғыларды пайдаланыңыз. Саңылау тереңдігін нұсқаулардан қараңыз. Орнату нұсқаулығында көрсетілгеннен басқа жолдармен бұрғылап, орнату нәтижесінде орнықсыз орнату және қауіпсіздіктің ықтимал мәселелері орын алуы мүмкін. Өнімді дымқыл шүберекпен сүртпеңіз және өнім орнатылған жерде қыздыру жабдығын немесе ылғалдандырғышты пайдаланбаңыз. Сұйық су немесе бу өнімге енуі мүмкін, ал өте жоғары температура өртке, ток соғуына немесе ақауларға әкелуі мүмкін. Өнімді өрт спринклері немесе детектор жанына, діріл немесе соққы әсер етуі мүмкін жерге, сондай-ақ жоғары кернеулі сым немесе қуат көзі жанына орнатпаңыз. Өнімді орнатпай тұрып, оның қуат сымын розеткадан ажыратыңыз. Қуат сымы ток көзіне жалғанған өнімді орнату ток соғуына немесе өртке әкелуі мүмкін. Өнімді қолғап кимей орнатпаңыз. Міндетті түрде жұмыс қолғабын киіңіз. Жұмыс қолғабынсыз орнату жарақатқа әкелуі мүмкін. Бұл құрылғыны төмен қаратып орнатпаңыз. Әйтпесе оның бөлшектері зақымдалуы немесе адамдардың жарақаттануы мүмкін. Орнатылған құрылғының үстіне ешнәрсе ілмеңіз және соққы тигізбеңіз. Құрылғыны қабырғаға құламайтындай етіп мықтап бекітіңіз. Құрылғы құлап кетсе, адамдарды жарақаттауы немесе өнімнің бұзылуы мүмкін. Құрылғы қабырғаға орнатылған соң, балалардың жалғанған кабельдерді тартпауын қадағалаңыз, кабельдер тартылса, құрылғы құлап кетуі мүмкін.

Кабельдерді біріктіру

Осы құрылғның артында кабельдерді реттеуге арналған ойық бар.

Осы құрылғыға жалғанған кабельдерді төменде көрсетілгендей реттеңіз.

Ескертпе

Барлық байланыстарды орнатқаннан кейін кабельдерді қажетінше орналастыра аласыз. Өніммен бірге берілетін HDMI кабелін пайдалануды ұсынамыз. Егер басқа HDMI кабелі пайдаланылатын болса, оны осы өніммен бірге орналастыру мүмкін болмауы ықтимал.

Қауіпсіздік шаралары